ҺАВА ТОРЫШЫ +8 oC

Яңалыклар

барлык хәбәрләр Татарстан Россия
МӨҺим
КФУның “Мизгел” яшьләр театры актерларга кастинг игълан итә
25 майның төп вакыйгалары - фото һәм сылтамалар
Р.Миңнеханов 2018 елгы Петербург халыкара икътисадый форумының пленар утырышында катнашты
Т.Миңнуллина: Петербург халыкара икътисадый форумында "биш"кә эшләдек
Әлмәт колониясендәге янгынның гомуми мәйданы якынча 2 мең кв. метр тирәсе

Фән һәм мәгариф

Питрәч районында укучыларны җылытылмаган мәктәп автобусында йөрткәннәр – прокуратура

11 гыйнвар 2017, 15:27

Питрәч районында укучыларны җылытылмаган мәктәп автобусында йөрткәннәр – прокуратура Ике авыл халкы бу мәсьәләдә коллектив шикаять язган булган.

 (Казан, 11 гыйнвар, «Татар-информ»). Питрәч районында прокуратура Ковали белән Пимери авыллары халкының җылытылмый торган мәктәп автобусында балаларны укырга йөртүләре турындагы коллектив шикаяте буенча тикшерү үткәргән. Бу хакта “Татар-информ” агентлыгына Татарстан прокурорының өлкән ярдәмчесе Руслан Галиев хәбәр итте.

Татар Тау Иле (Тат-Ходяш) мәктәбенә караган “ПАЗ” автобусы 27 баланы йөрткән, автобус эчендә норма буенча 17-23 градус җылылык урынына +1,6 градустан артмаган, ишек резиналары да канәгатьләнерлек хәлдә булмаган.

Тикшерү барышында прокуратура хезмәткәрләре башка хилафлыклар да тапкан. Мисалга, автобус салонында бензинлы канистралар сакланган, запас ишек аша чыгу мөмкинлеге һәм ике утыргычта куркынычсызлык каешы булмаган, тагын берсендә шушы мөһим деталь ватык икәнлеге фаш ителгән. Шул рәвешле, әлеге җитешсезлекләр пассажирларның гомеренә һәм сәламәтлегенә куркыныч тудыра, дип билгеләп үтәләр прокуратурада.

Тикшерү нәтиҗәләре буенча “Кулланучылар гомере һәм сәламәтлеге куркынычсызлыгы таләпләренә җавап бирми торган хезмәт күрсәтү” маддәсе буенча җинаять эше кузгатылган.


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10