ҺАВА ТОРЫШЫ +14 oC

Яңалыклар

барлык хәбәрләр Татарстан Россия
МӨҺим
16 августның төп вакыйгалары - фото һәм сылтамалар
Татар телле радиолар арасындагы пляж волейболында икенче ел рәттән Татарстан радиосы җиңде
Коткаручылар Алабуганың Криуша елгасында баткан ир-атның гәүдәсен тапкан
"Ак Барс" хоккейчылары Ригада уза торган турнирда икенче тапкыр оттырды
Синоптиклар республиканың аерым районнарында томан төшәчәген фаразлый

Спорт

“Ак Барс”ның күнегүләрендә “Барс” уенчылары да катнашты

11 гыйнвар 2017, 14:40 , Фото: Ильнар Тухбатов

“Ак Барс”ның күнегүләрендә “Барс” уенчылары да катнашты 
Читтәге уеннар сериясе алдыннан Казанның “Ак Барс” командасы” үз базасында ачык күнегүләр уздырды.

 (Казан, 11 гыйнвар, "Татар-информ", Фәрит Салихов). Читтәге уеннар сериясе алдыннан Казанның “Ак Барс” командасы” үз базасында ачык күнегүләр уздырды.
Бүген команда сәфәргә кузгала. Команданы читтә өч матч – Ярославльдә "Локомотив“, Мәскәү өлкәсендә “Витязь” һәм Мәскәүдә “Динамо” белән очрашу көтә. Соңгы ике уенда үз бозында төп көндәш саналган командадар – “Салават Юлаев” белән Магнитогорскиның “Металлург” командасына оттырганнан соң алда торган матчларга әзерлек тагын да зур кызыксыну уята.

"Үзебездәге соңгы уеннар хакында башта ук кызыклы булачак, дип белдергән идем. Көчле командаларга каршы матчларда команданың проблемалары күренә. Әйе, җитәрлек очко туплап булмады. Әмма, минемчә, уеныбызны яхшырту юлында туган сорауларны чишеп киләбез. Әлеге уеннардан чыгып командага нинди бәя бирергәме? Тискәре һәм уңай күренешләр дә бар. Команда белән барысы да яхшы дип әйтә алмыйм. Гомумән алганда, тулаем уен картинасы бар һәм без аның кимчелекле якларын да күрәбез", – диде “Ак Барс”ның баш тренеры Зиннәтулла Билалетдинов.

“Ак Барсның ачык күнегүләрендә 29 хоккейчы катнашты. Төп состав белән күнегүләрдә югары хоккей лигасында чыгыш ясаучы “Барс” командасыннан Максим Лазарев белән Дмитрий Архипов та катнашты. Ә менә 22 яшьлек тагын бер сакчы Роман Абросимовны күреп булмады. Ул имгәнгән хоккейчылар исемлегенә кертелгән.

 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр