ҺАВА ТОРЫШЫ +8 oC

Яңалыклар

барлык хәбәрләр Татарстан Россия
МӨҺим
КФУның “Мизгел” яшьләр театры актерларга кастинг игълан итә
25 майның төп вакыйгалары - фото һәм сылтамалар
Р.Миңнеханов 2018 елгы Петербург халыкара икътисадый форумының пленар утырышында катнашты
Т.Миңнуллина: Петербург халыкара икътисадый форумында "биш"кә эшләдек
Әлмәт колониясендәге янгынның гомуми мәйданы якынча 2 мең кв. метр тирәсе

Татар дөньясы, Дин

Чиләбедә "Рәсүлев укулары" кысаларында исламга багышланган күргәзмә узачак

11 гыйнвар 2017, 12:48 , Фото: chelmuseum.ru

Чиләбедә Күргәзмәнең экспозициясендә Казан, Уфа, Санкт-Петербург музейлары фондларыннан ислам тарихы белән бәйле үзенчәлекле экспонатлар тәкъдим ителәчәк.

(Казан, 11 гыйнвар, "Татар-информ"). Чиләбе шәһәрендә “Ислам. Тарих, традицияләр, мәдәният” дип исемләнгән күргәзмә ачылачак. Ул Чиләбе өлкәсендә быел июль аенда алтынчы тапкыр оештырылачак “Рәсүлев укулары” Бөтенроссия фәнни-гамәли конференциясе кысаларында узачак. Күргәзмәнең экспозициясендә Казан, Уфа, Санкт-Петербург музейлары фондларыннан ислам тарихы белән бәйле үзенчәлекле экспонатлар тәкъдим ителер дип көтелә. Күргәзмә Көньяк Уралның дәүләт тарихи музеенда үтәчәк. Шушы көннәрдә музей хезмәткәрләре Казанның Ислам тарихы музеенда, Татарстан Милли музеенда булып, хезмәттәшлек итү турында килешеп китте, дип хәбәр итә Көньяк Урал тарихы музее матбугат хезмәте.

Күренекле дин әһеле, Троицкида XIX гасырда “Рәсүлия” мәдрәсәсенә нигез салган Зәйнулла Рәсүлев (1833-1917) истәлегенә багышланган “Рәсүлев укулары” исә ел саен Троицк шәһәрендә оештырыла. Зәйнулла Рәсүлев – танылган татар язучысы Атилла Расихның (Рәсүлев) бабасы. Чиләбе өлкәсе хакимияте тәкъдиме белән әлеге конференция федераль дәрәҗәгә чыгарылып, елдан-ел колачлырак итеп уздырыла. 2017 елда конференция программасын ике көнлек итеп төзергә ниятләнелә. Хакимият карары белән Троицкидагы борынгы “Рәсүлия” мәдрәсәсен торгызу эшләре дә башланган. Әлегә документацияләр әзерләнгән, быел химаячеләр ярдәме ремонт эшләренә тотыначаклар.


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10