ҺАВА ТОРЫШЫ -13 oC

Яңалыклар

барлык хәбәрләр Татарстан Россия
МӨҺим
Узган ел Татарстанда салынган административ штрафлар суммасы 120 млн сумга арткан
И.Баязитов: Җомга вәгазьләрен татарча үткәреп, башка көннәрдә русча чаралар оештырып була
«Вамин» турында берничә роман язарга һәм спектакль куярга мөмкин иде – Фатыйх Сибагатуллин
Путин Мәскәүдә милли әдәбиятлар Йорты булдыру турында карар кабул итте
"Дакар"да җиңү яулаган “КамАЗ-Мастер” командасын Чаллыда тантаналы төстә каршы алдылар

Җәмгыять

Россия Сәламәтлек саклау министрлыгы халыкны тәмәкегә каршы дарулар белән тәэмин итү яклы

11 гыйнвар 2017, 06:13

Һәр елны Россиядә тәмәке тарту белән бәйле авырулардан 400 мең кеше үлә.

(Казан, 11 гыйнвар, «Татар-информ»). Россия Сәламәтлек саклау министрлыгы тәмәке тартуны ташлауда медицина ярдәмен дәүләт гарантиясе программасына кертергә, ә синдром вакытында пациентка ярдәм итүдә кулланылучы даруларны тормыш өчен мөһим булган дарулар исемлегенә кертергә тәкъдим итә. Бу хакта ТАСС яза.

Бу турыда Россиядә 2017-2022 елларда һәм перспективада тәмәке куллануга каршы дәүләт сәясәте эшчәнлеген гамәлгә ашыру концепциясендә әйтелә. Тәмәкене кулланудан баш тартучылар медицина ярдәме белән тәэмин ителсә, бу аны кулланучыларны киметәчәк, диелә әлеге документта.

Әлеге чараларның мөһимлеген дәлилләү өчен министрлык һәр елны тәмәке тарту белән бәйле авырулардан 400 мең кеше үлүе турында мәгълүматлар китерә. Россиядә тәмәке тартуга каршы кампания эшчәнлеге нәтиҗәсендә өлкәннәр арасында тәмәке тартуның якынча 25 процентка кимүе күзәтелә, диелә. Россия Сәламәтлек саклау министрлыгының җәмәгать сәламәтлеге һәм коммуникацияләр департаменты директоры Олег Салагай сүзләренчә, тәмәкедән баш тарту гомерне 2-5 елга кадәр озайтырга мөмкин.

Бөтендөнья сәламәтлек саклау оешмасы китергән мәгълүматлар буенча, тәмәке тарту дөнья икътисадына елына триллион долларга төшә. Дөньяда барлыгы 15 яшьтән башлап 1,1 миллиард кеше тәмәке тартучы булып санала. 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр