ҺАВА ТОРЫШЫ +1 oC

Яңалыклар

барлык хәбәрләр Татарстан Россия
МӨҺим
Казан белән ике арада күпер саласы иде – Омск татар мәдәни үзәге
2017 елның беренче бердәм дәүләт имтиханнары гадәти режимда узган
Дагыстан татарлары оешмасы бер еллыгын бәйрәм итә
Казанда мәртәбәле дин белгечләре җыелачак
Җәен Казан паркларында вакытлыча эшли торган алты кинотеатр ачылачак

Авыл

Азнакай районында агросәнәгать предприятиеләре җитәкчеләре семинары булды

11 гыйнвар 2017, 07:00 , Фото: aznakaevo-rt.ru

Азнакай районында агросәнәгать предприятиеләре җитәкчеләре семинары булды Семинар уздырылган “Марс” хуҗалыгында зәмһәрир суыкларда да маллар җылы су эчә, алларыннан төрләндерелгән сыйфатлы азык өзелми.

 (Азнакай, 11 гыйнвар, “Татар-информ”, “Маяк”, Нәсимә Фазлыева). Татарстанның Азнакай районында алдынгы хуҗалыкларның берсе булган “Марс”та агросәнәгать предприятиеләре җитәкчеләренең узган елны йомгаклау семинары булды, диелә төбәкнең “Маяк” газетасында.

Семинарның биредә булуы юкка түгел, чөнки монда тәҗрибә уртаклашыр, алдагы елга эш алымнары үзләштерер өчен җирлек киң. Соңгы айларда гына сөт савып алуны тонна ярымга кадәр күтәргәннәр: һәр сөтлебикәгә 15-16шар литр туры килә. Моның сере әллә ни катлаулы түгел: терлекләрнең алдыннан төрләндерелгән сыйфатлы азык өзелми. Менә ничәнче ел инде хуҗалыкта сытылган арпа (аны тутырма дип тә атыйлар) кулланалар. Тупас азыкка караганда, малкайларга мондый җиңел һәм файдалы азыкны эшкәртү күпкә җиңелрәк һәм файдалырак та. Урамдагы зәмһәрир суыклар да куркытмый малларны, чөнки салкын утарларда да җылымса су килеп тора. “Мондый салкын көннәрдә җылы су терлек азыгын 25 процентка кадәр экономияли”, – ди авыл хуҗалыгы аксакалы Миргасим Кәримов. Терлекчелек комплекслары чиста, заманча җиһазландырылган. Биредә яшь кадрлар бик теләп эшкә кала.

Хуҗалыкның башка объектларында да авыл хуҗалыгы җитәкчеләренә үз эшләрендә кулланырлык алымнар күп. Барлык төр техника да җылы гаражларга урнаштырылган, аларның күбесе инде язгы кыр эшләренә тулы әзерлектә. “Марс”лылар берьеллыкларны түгел, нәкъ менә күпьеллыкларны игүгә аеруча зур игътибар бирәләр. Чыгымнар да аз, берничә кат чабып алырга да мөмкин һәм маллар өчен дә файдалы, диләр. Азнакай районы авыл хуҗалыгы хезмәткәрләре, марслылар үрнәгендә киләсе елга күпьеллык үләннәрне күбрәк чәчәргә кирәк, дигән фикергә килделәр.

Гомумән, азнакайлылар яңа елны матур күрсәткечләр белән каршы алды. Ит-сөт җитештерү темплары арткан, республика күләмендә иң күп икмәк җитештерүчеләр дә алар, диелә район газетасында.


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр