ҺАВА ТОРЫШЫ -2 oC

Яңалыклар

барлык хәбәрләр Татарстан Россия
МӨҺим
"Ак Барс" командасы тагын бер тапкыр оттырды
Инвалидларның кинотеатрга йөрү мөмкинлеген арттыра торган закон имзаланган
Татарстан халыклары корылтаенда нагайбәк халкын Дмитрий Кадыкеев тәкъдим итәчәк
28 мартның төп вакыйгалары - фото һәм сылтамалар
Төркиядә Галимҗан Ибраһимовны искә алалар

Җәмгыять, Мәдәният

Чаллыда “ба­та­рей­ка-ба­бай­” Габ­де­лә­хәт Хик­мә­тул­лин­ның 90 яшь­леге бәйрәм ителде

11 гыйнвар 2017, 04:00 , Фото: shahrichalli.ru

Чаллыда “ба­та­рей­ка-ба­бай­” Габ­де­лә­хәт Хик­мә­тул­лин­ның 90 яшь­леге бәйрәм ителде Ул җәмәгате белән бәй­рәм­нәр­дә зат­лы ап-ак ки­ем­нәр­дә мәй­дан тү­рен­дә би­ю­че ма­тур па­р булып танылды, Казанда да төрле чараларда катнашалар.

(Чаллы, 11 гыйнвар, “Татар-информ”, “Шәһри Чаллы”, Аль­би­на Зарипова). Габ­де­лә­хәт Хик­мә­тул­лин һәм Нәзи­мә За­ки­ро­ва­ны Татарстанның Чаллы шәһәрендә бел­мәгән кеше юк­тыр, мө­га­ен. Алар башкалабыз Казанда да төрле чараларда актив катнаша. Бәй­рәм­нәр­дә зат­лы ап-ак ки­ем­нәр­дә мәй­дан тү­рен­дә би­ю­че ма­тур па­р булып танылдылар. Бак­саң, алар бию бе­лән ге­нә шө­гыль­лән­ми­ләр икән. Ак бабай белән ак әби җыр­лыйлар, ку­рай һәм гар­мун­да уй­ный­лар, рә­сем ясау, агач эше бу­ен­ча сән­гати ки­сү ос­та­лы­гы­на да ия, хәт­та компь­ю­тер­да да эш­ли бе­лә­ләр. Әле күптән түгел генә Чаллыда “ба­та­рей­ка-ба­бай­” Габ­де­лә­хәт Хик­мә­тул­лин­ны 90 яшь­лек юби­лее бе­лән тәб­рик­лә­де­ләр. Ту­ган кө­нен исә юби­ляр “Чиш­мә” ха­лык­лар дус­лы­гы йор­тын­да “Би­е­гән­дә карт­лык чи­ге­нә” дип атал­ган иҗат ки­чә­се бе­лән үт­кәр­де, дип яза “Шәһри Чаллы” газетасы.

Юбилярны го­мер бәй­рә­ме бе­лән кот­лар­га шак­тый гы­на ха­лык җы­ел­ган иде. Алар ара­сын­да иҗат­таш дус­ла­ры да, ту­ган­на­ры, онык­ла­ры һәм шә­һәр ха­ки­ми­я­те вәкилләре дә бар иде. Бәй­рәм­дә бик күп ма­тур те­ләк­ләр әйтелде, хәт­та Рос­сия Пре­зи­ден­ты Вла­ди­мир Пу­тин­ның кот­лау ха­ты да тап­шы­рыл­ды.

Габ­де­лә­хәт Сол­тан­гә­рәй улы Хик­мә­тул­лин ту­мы­шы бе­лән Аз­на­кай ра­йо­ны хә­зер­ге Бү­ләк авы­лын­нан. Әти­се фин су­гы­шын­да кат­наш­кан ке­ше. Ан­нан кайт­кач, га­и­лә­сен алып Ле­нин­град як­ла­ры­на та­ба кү­че­нә. Бө­ек Ва­тан су­гы­шы баш­лан­гач, фронт­ка ки­тә. Та­тар­стан­га, ту­ган авыл­ла­ры­на 1943 ел­да исән кай­тырга насыйп була.

Тор­мыш авыр­лык­ла­рын кү­реп үс­кән егет кеч­ке­нә ча­гын­нан ук эш­ли баш­лый. Го­мер бу­е­на аңа иле­без­нең күп ке­нә төбәкләрендә эш­ләр­гә ту­ры ки­лә. Кай­да гы­на яшә­мә­сен, кай­да гы­на эш­лә­мә­сен бар җир­дә дә аны мак­тап ис­кә ала­лар. Утыз ел­лап ул Та­тар­станның иң ях­шы мон­таж­нигы исе­мен йөр­тә. Җи­де төр­ле хез­мәт ба­тыр­лы­гы ме­даль­лә­ре бе­лән бү­ләк­лә­нә. Нә­зи­мә За­ки­ро­ва бе­лән Габ­де­лә­хәт Хик­мә­тул­лин Бө­гел­мә ши­фа­ха­нә­сен­дә та­ны­ша. Нә­зи­мә ха­ным ту­мы­шы бе­лән Зәй ра­йон­нын­нан икән. Сән­гать җи­тәк­че­се, укы­ту­чы, тәр­би­я­че бу­лып эш­ли. ТАССРның ат­ка­за­ган укы­ту­чы­сы, СССРның мә­га­риф от­лич­ни­гы бу­ла.

Бө­гел­мә­дә та­ныш­кан­да ике­се дә ул ва­кыт­ка тол бу­ла. Ара­ла­ша баш­ла­гач, шак­тый гы­на ур­так як­ла­ры ачык­ла­на. Шу­лар­ның иң зу­ры­сы – ул би­ю­гә мә­хәб­бәт. Шул оч­ра­шу­дан баш­лап ин­де 13 ел­лап алар тор­мыш юлы бу­ен­ча бер­гә ат­лап ба­ра­лар, дө­рес­рә­ге би­и­ләр. Хәзерге вакытта­ Чал­лы­да яши­ләр, “Җә­ү­һәр”, “Рет­ро” ан­самбль­лә­рен­дә кат­на­ша­лар. Бу гүзәл пар 3 мәр­тә­бә “Бал­кыш” бәй­ге­се­нең лау­ре­ат­ла­ры, 5 мәр­тә­бә ха­лы­ка­ра “Боль­шой вальс” кон­курс­ның дип­ло­мант­ла­ры һәм ку­бок ия­лә­ре бул­ды­. Юби­лей ки­чә­сен дә алар бер­гә сәх­нә­дә би­еп-җыр­лап үт­кәр­де, “ба­та­рей­ка-ба­бай­” гар­мун­да уй­на­ды­.

90 яшь­не би­еп кар­шы­лау­ның сер­лә­ре бе­лән ур­так­ла­шу­ны со­ра­гач, Габ­де­лә­хәт агай ел­ма­еп: “Го­ме­рем­дә бер тап­кыр да эч­мә­дем дә, тарт­ма­дым да, гомумән, сә­ла­мәт яшәү рә­ве­шен алып бар­дым. Йө­рә­гем­дә дә сүн­мәс дәрт сак­лап, һәр­ва­кыт хә­рә­кәт­тә бу­лыр­га ты­рыш­тым. Шу­ңа өй­дә дә бер урын­да озак кы­на уты­ра ал­мыйм. Ха­лык юк­ка гы­на, хә­рә­кәт­тә – бә­рә­кәт, дип әйт­мә­гән”, – диде.


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр