ҺАВА ТОРЫШЫ +15 oC

Яңалыклар

барлык хәбәрләр Татарстан Россия
МӨҺим
Татарстан китап нәшрияты китапларын “Кызыл мәйдан-2018” фестивалендә тәкъдим итәләр
Татарстанның кайбер хуҗалыкларында язгы чәчүне төгәлләделәр
Казанда футбол буенча Дөнья чемпионаты вакытында митинглар үткәрүне чикләячәкләр
23 майның төп вакыйгалары - фото һәм сылтамалар
Фәрит Мөхәммәтшин татарстанлыларны Cлавян язуы һәм мәдәнияте көне белән котлады

Мәдәният

Башкорт драма театры Зөләйханың милләтен күрсәтмәячәк – Гүзәл Яхина

5 гыйнвар 2017, 18:13

Башкорт драма театры Зөләйханың милләтен күрсәтмәячәк – Гүзәл Яхина Гүзәл Яхинаның "Зөләйха күзләрен ача" әсәре М.Гафури исемендәге Башкорт дәүләт драма театры тарафыннан сәхнәләштерелә башлады.

(Казан, 5 гыйнвар, «Татар-информ», Рузилә Мөхәммәтова). “Башдрамтеатрда Зөләйханың нинди милләт кешесе булуы күрсәтелмәячәк. Без бу хакта режиссер Айрат Әбушахманов белән сөйләшеп, шундый уртак фикергә килдек. Зөләйха архаик дөньядан төрки телле халык хатын-кызы буларак кына кабул ителәчәк”, - диде Казан язучысы Гүзәл Яхина «Татар-информ» мәгълүмат агентлыгы хәбәрчесенә үзенең “Зөләйха күзләрен ача” романының Башкорт дәүләт академия драма театрында куелуын шәрехләп. Гүзәл Яхина Айрат Әбүшахманов кебек талантлы режиссерның аның әсәренә алынуына бик шат булуын билгеләп үтте.

Исегезгә төшереп үтәбез, Гүзәл Яхинаның "Зөләйха күзләрен ача" әсәре Мәҗит Гафури исемендәге Башкорт дәүләт академия драма театры тарафыннан сәхнәләштереләчәк. “Татар-информ” бу хакта "Башинформ" агентлыгына сылтама белән хәбәр иткән иде.

Әсәрне сәхнә өчен режиссер, Татарстан Мәдәният министрлыгының Дамир Сираҗиев исемендәге премиясе лауреаты, Башкорстанның атказанган сәнгать эшлеклесе Айрат Абушахманов әзерли. Сценарийны танылган драматург Ярослава Пулинович яза.

Тамашачы спектакльне 2017 елның беренче яртысында күрергә мөмкин.

Шунысы да игътибарга лаек, Казан язучысы Гүзәл Яхинаның Уфага килүен “Башинформ” мәгълүмат агентлыгы елның иң зур мәдәни вакыйгалары “ТОП-20”легенә керткән.

Белешмә. 2015 ел нәтиҗәләре буенча, Гүзәл Яхинаның рус телендә иҗат ителгән "Зөләйха күзләрен ача" әсәре Россиядә һәм БДБ илләрендә иң абруйлы саналган "Большая книга" әдәби премиясенә лаек булган иде. Бәйгедән соң романның егерме дүрт телгә тәрҗемә ителәчәге игълан ителде. Быелның май аенда әсәр татар телендә дөнья күрде.
 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10