ҺАВА ТОРЫШЫ +5 oC

Яңалыклар

барлык хәбәрләр Татарстан Россия
МӨҺим
КФУның “Мизгел” яшьләр театры актерларга кастинг игълан итә
25 майның төп вакыйгалары - фото һәм сылтамалар
Р.Миңнеханов 2018 елгы Петербург халыкара икътисадый форумының пленар утырышында катнашты
Т.Миңнуллина: Петербург халыкара икътисадый форумында "биш"кә эшләдек
Әлмәт колониясендәге янгынның гомуми мәйданы якынча 2 мең кв. метр тирәсе

Рәсми Татарстан

Минтимер Шәймиев Казандагы Иран Генераль консуллыгы җитәкчесе белән очрашты

27 декабрь 2016, 16:45

Минтимер Шәймиев Эгбали Зарч сөйләмендә татар шагыйре Габдулла Тукай әсәрләреннән таныш булган фарсы теленнән бик күп таныш сүзләр ишетүен җиткерде.

(Казан, 27 декабрь, «Татар-информ»). Бүген Казан Кремлендә Татарстан Дәүләт Киңәшчесе Минтимер Шәймиев Казандагы Иран Генераль консуллыгы җитәкчесе вазифаларын башкаручы Алибеман Эгбали Зарч белән очрашты. Бу хакта Татарстан Президенты матбугат хезмәте хәбәр итә.

Очрашу башында Минтимер Шәймиев Эгбали Зарч сөйләмендә татар шагыйре Габдулла Тукай әсәрләреннән таныш булган фарсы теленнән бик күп таныш сүзләр ишетүен җиткерде: «Искиткеч матур борынгы фарсы мәдәнияте балачактан миндә зур кызыксыну уятты. Татар поэзиясендә танылган фарсы шагыйрьләре лирикасы белән уртаклык күп дип саныйм».

Минтимер Шәймиев республика Президенты булып торганда һәм хәзер дә Татарстан Республикасы һәм Иран Республикасы арасында күпкырлы мәдәни һәм эшлекле элемтәләр булуын билгеләп үтте. «Иранга карата халыкара санкцияләр алынгач тагын да нәтиҗәлерәк хезмәттәшлек өчен мөмкинлекләр ачыла. Аның өчен чынбарлыкта потенциал бар», - диде ул. Мәртәбәле кунак Тукайны белгәнен һәм әсәрләрен укуын җиткерде, «Тукай яшәгән чорда фарсы теле популяр булган», - дип җиткерде ул. «Мин Казанда бер айлап яшим, күп кенә мәдәни чараларда булдым. Татарстан белән күбрәк танышкан саен, Иран һәм Татарстан арасындагы багланышларның уңышлы эшләве өчен шулкадәр җаваплылык тоям. Минем өчен Татарстан җитәкчеләренең фикерен белү һәм сезгә үз илем турында сөйләү бик мөһим», - диде Зарч әфәнде.

Очрашу барышында инновация, мәгариф, нефть табу, эшкәртү һәм нефть химиясе өлкәсендә яңа технологияләрне тормышка ашыру мәсьәләләре каралды. Шулай ук мәдәни-тарихи мирасны саклауда өстенлекле юнәлешләр буенча үзара хезмәттәшлек турында фикер алышынды.

Очрашуда Казандагы Иран Генераль консуллыгы консулы Малекоддин Шафагат һәм Генераль консуллыкның тәрҗемәчесе Эхсан Шариатмадари катнашты.
 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10