ҺАВА ТОРЫШЫ +24 oC

Яңалыклар

барлык хәбәрләр Татарстан Россия
МӨҺим
Башкортстан вәкилләре Словениядә бал кортларына багышланган конференциядә катнашты
Доллар бәясе 61 сум 67 тиен булды
Казанда Вознесенский тракты төзелеше өчен Сосновкадагы йортлар сүтелмәячәк
Татарстанда гражданнарга бушлай юридик ярдәм күрсәтү системасында 148 адвокат катнаша
Милли шура рәисе Алтай крае хөкүмәте вәкилләре белән очрашты

Спорт

Россиядә спорт ярышларында җәмәгать тәртибен бозган өчен җаваплылык арттырыла

5 декабрь 2016, 08:16

Россия Хөкүмәте рәисе спорт ярышларында тәртип бозган җанатарларны 15 тәүлеккә утыртырга һәм җиде ел ярышларга кертмәскә тәкъдим итә.

  (Казан, 5 декабрь, “Татар-информ”). Россия Хөкүмәте 2018 елда илдә футбол буенча дөнья чемпионаты якынлашуы уңаеннан, спорт чаралары вакытында тәртип бозган өчен җаваплылыкны арттырырга тәкъдим итте. Бу хакта Interfax.ru яза.

Россия Хөкүмәте башлыгы Дмитрий Медведев искәрткәнчә, моңа кадәр Административ хокук бозулар кодексына кертелгән төзәтмәләргә карамастан, алар гамәлдә булган ике елда 60 төбәктә 2 меңнән артык тәртип бозу очрагы теркәлеп, 4 миллион сумнан күбрәк суммага штраф салынган. Димәк, әлеге төзәтмәләр генә җитми дигән нәтиҗә чыгарып, Хөкүмәт рәисе тәртип бозучыларга штрафтан тыш, 15 тәүлеккә арест салу һәм аларны рәсми ярышларга җиде елга кадәр кертмәү кебек җаваплылыкка тартырта тәкъдим итә.

Әгәр дә тәртип бозучы тыюларга карамастан, барыбер ярышка кергән очракта, штраф күләме арттырыла һәм арест мөмкинлеге карала. Бу кагыйдәләр Россия гражданнарына гына түгел, чит ил кешеләренә дә кагылачак: алар да штрафка тартылачак һәм Россиядән чыгарып җибәреләчәк.
 

Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10