ҺАВА ТОРЫШЫ +4 oC

Яңалыклар

барлык хәбәрләр Татарстан Россия
МӨҺим
Марат Әхмәтов: Финанс авырлыкларга карамастан, Татарстанда күпчелек хуҗалыклар чәчүгә әзер
Васил Шәйхразиев Нижневартовскида татар балалары укыган мәктәптә булды
Мәскәүнең татар зыялылары клубында "Очраштыра язлар дусларны" кичәсе узды
Фатих Сибагатуллин татар матбугатында кызыксындыру җитми дип саный
Татарстанда һава торышы бозыла

Җәмгыять

2017 елда чит ил паспортын ясату утыз процентка арзанракка төшәчәк

5 декабрь 2016, 07:03 , Фото: РИА «Оренбуржье»

2017 елда чит ил паспортын ясату утыз процентка арзанракка төшәчәк Ләкин бер шарт бар – гаризаны дәүләт хезмәте порталы аша бирергә кирәк.

 (Казан, 5 декабрь, “Татар-информ”). 2017 елда Россиядә чит ил паспортын ясату, туу турында, никахны рәсми теркәү, милеккә хокук турындагы һәм машина йөртү хокукы бирүче таныклыкларны алу хакы 30 процентка кимиячәк. Ләкин бер шарт бар – аларга гариза дәүләт хезмәте порталы аша бирелергә тиеш. Бу хакта “Российская газета” хәбәр итә.

Бүген ун елга исәпләнгән чит ил паспортын ясату 3,5 мең сумга төшә. Дәүләт пошлинасын түләгәндә, ташламалар турындагы яңа законнар нигезендә, әгәр 2017 елда чит ит паспортын ясату өчен гаризаны электрон рәвештә тапшырсаң, мең сумнан чак кына күбрәк ташламага өметләнергә мөмкин.

Төбәк хезмәтләренә килгәндә, аларга ташламаны җирле хакимият үзе билгеләргә тиеш. Ләкин монда бер проблема туа – бөтен төбәкләрдә дә онлайн-сервислар яхшы эшли дип әйтеп булмый. Шул сәбәпле, якын вакытта төбәкләрнең порталларын федераль ресурска тоташтыру карары кабул ителгән.

 

Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10