ҺАВА ТОРЫШЫ +14 oC

Яңалыклар

барлык хәбәрләр Татарстан Россия
МӨҺим
“Буа театры: диалог киңлегендә” фестивален Сергей Безруков спектакле тәмамлады
Әтнә кызы WorldSkills Russia чемпионатында җиңү яулаган
Дөнья чемпионаты вакытында Казанга автобуслар керү чикләнә
Галимә мәгариф системасының башында торды - Флера Сафиуллинаның дәвамчылары
24 майның төп вакыйгалары - фото һәм сылтамалар

Мәдәният

Без рус сүзләре кулланып сөйләшәбез – "Тапшырылмаган хатлар" фильмы продюсеры

30 ноябрь 2016, 14:15

Фильмның продюсеры Фәрит Галиев катнашында узган матбугат очрашуында кино теле белән әдәби тел мәсьәләләре күтәрелде.

(Казан, 30 ноябрь, "Татар-информ", Рузилә Мөхәммәтова). Декабрь аенда "ТНВ" телеканалы татар әдәбияты классигы Гадел Кутуйның "Тапшырылмаган хатлар" повесте буенча дүрт серияле фильм күрсәтәчәк. Бүген бу хакта “Татар-информ”да узган матбугат конференциясендә фильмның продюсеры Фәрит Галиев хәбәр итте.

Фильм татар телендә төшерелгән. Шулай да матбугат очрашуында кино теле белән әдәби тел мәсьәләләре буенча бәхәс булып алды: “Кино ул реаль тормышка якын булырга тиеш. Без реаль телдә сөйләштек. Әгәр әдәби тел белән сөйләшә башласак, кешеләр телеспектакль дип әйтәчәк. Театр ул шартлылык, анда әдәби тел дә булырга тиеш. Без тормышта рус сүзләре кулланып сөйләшәбез, Гадел Кутуйның әсәрендә дә рус сүзләре бар. Табип урынына врач дип әйткән өчен безне беркем дә гаепләмәс. Беркем дә "Ашыгыч ярдәм" дип сөйләшми”, – диде Фәрит Галиев.

"Әдәби телдән аерылыбрак торган телдә төшерелгән фильмны читтәге татарларыбыз аңлармы? Алар, билгеле булганча, рус теле катнашмаган чын әдәби телдә сөйләшә", – дигән сорау куйды матбугат очрашуында катнашкан журналистлар.

Фильмның Татарстан Республикасы Мәгариф һәм фән министрлыгы заказы буенча "2014-2020 елларга Татарстан Республикасы дәүләт телләрен һәм Татарстан Республикасында башка телләрне саклау, өйрәнү һәм үстерү" дәүләт программасы буенча төшерелгәнен искәртик.

Авторлар бу мәсьәләне ничек чишә алганнар – әлеге сорауга фильмны караганда быелның декабрь аенда гына җавап таба алабыз.


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10