ҺАВА ТОРЫШЫ +4 oC

Яңалыклар

барлык хәбәрләр Татарстан Россия
МӨҺим
Марат Әхмәтов: Финанс авырлыкларга карамастан, Татарстанда күпчелек хуҗалыклар чәчүгә әзер
Васил Шәйхразиев Нижневартовскида татар балалары укыган мәктәптә булды
Мәскәүнең татар зыялылары клубында "Очраштыра язлар дусларны" кичәсе узды
Фатих Сибагатуллин татар матбугатында кызыксындыру җитми дип саный
Татарстанда һава торышы бозыла

Җәмгыять

2017 елда Татарстанда кан тамырлары авыруларын дәвалаучы тагын ике үзәк ачылачак

10 ноябрь 2016, 18:20 , Фото: minzdrav.tatarstan.ru

2017 елда Татарстанда кан тамырлары авыруларын дәвалаучы тагын ике үзәк ачылачак Аларның берсе – Лениногорск үзәк район хастаханәсендә, ә икенчесе Казанда сугыш ветераннары госпитале базасында эшли башлаячак.

(Казан, 10 ноябрь, «Татар-информ», Эмма Ситдыйкова). Озакламый Татарстанда кан тамырлары авыруларын дәвалаучы тагын ике үзәк ачылачак. Бу хакта бүген Казанда инсультны дәвалау мәсьәләләренә багышланган конференциядә Татарстан сәламәтлек саклау министры Гадел Вафин җиткерде.

Министр сүзләренчә, яңа ел башлангач та Лениногорск үзәк район хастаханәсе базасында кан тамырлары үзәге ачылачак. “Ул республиканың көньяк-көнчыгышында дүртенче шундый үзәк булачак. Хәзерге вакытта Әлмәттә – ике, Бөгелмәдә шундый бер үзәк эшләп килә”, – дип аңлатты Гадел Вафин.

Министр шулай ук Казанда да кан тамырларын дәвалаучы үзәкләр артачагын искәртте. «Без килә елның беренче яртысында Казанда сугыш ветераннары госпитале базасында кан тамырлары үзәге ачарга җыенабыз», – дип белдерде ул.

Хәзерге вакытта Татарстанда кан тамырлары авыруларын дәвалау белән 17 үзәк шөгыльләнә. Һәр елны аларда баш мие кан әйләнеше авыруларыннан интегүче 14 мең кеше дәвалана. Пациентларны Татарстанның кан тамырлары үзәкләрендә инсульттан дәвалауда нәкъ Европадагы кебек тромболит препаратлар кулланыла. Аларның нәтиҗәлелеге бернинди шик тудырмый, дип ышандырды ТР сәламәтлек саклау министры.


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10