ҺАВА ТОРЫШЫ +1 oC

Яңалыклар

барлык хәбәрләр Татарстан Россия
МӨҺим
Рафис Борханов гражданлык белеме бирүне үстерү буенча "Юл картасы" әзерләргә кушты
Татарстанның экология тәрбиясе юнәлешендәге иң алдынгы мәктәбе билгеле булды
"Күгәрченнәр белән кызыклы һәм маҗаралы аралашу" хәйрия акциясе Спас районында дәвам итте
Эльмира Шәрифуллинага Татарстан Дәүләт Советы рәисенең Рәхмәт хаты тапшырылды
Әтнәнең балалар бию төркемнәре республика һәм ил күләмендә таныла

Икътисад, Рәсми Татарстан

Рөстәм Миңнеханов Шанхайда сәнәгать күргәзмәсендә чыгыш ясаячак

28 октябрь 2016, 12:52

Рөстәм Миңнеханов Шанхайда сәнәгать күргәзмәсендә чыгыш ясаячак Ел да уздырыла торган CIIF-2016 Кытай халыкара күргәзмәсе октябрьнең соңгы көнендә ачыла.

(Казан, 28 октябрь, «Татар-информ»). Татарстан Президенты Рөстәм Миңнеханов Кытайда ел да уздырыла торган CIIF-2016 халыкара сәнәгать күргәзмәсенең пленар утырышында спикер сыйфатында күрсәтелгән. ТАСС хәбәр иткәнчә, Татарстан лидеры үзенең катнашачагын раслаган.

Күргәзмә исә 31 октябрьдә ачыла. Анда катнашачакларын Россиянең ОАК, «Русал», «Ростех» кебек эре предприятиеләре җитәкчеләре раслаган. Россия делегациясе анда РФ сәнәгать һәм сәүдә министры Денис Мантуров рәислегендә эшләячәк.

Россия вәкилләре Шанхайда экспозициядә дә, эшлекле программада да катнашачак, шул исәптән “Сәнәгать партнёрлыгы: яңа мөмкинлекләр һәм проектлар” Россия-Кытай эшлекле форумында һәм сәнәгатьтә автоматлаштыру, яңа инвестицион проектлар, чиста технологияләргә багышланган тармак дискуссияләрендә дә. Күргәзмәнең төп чараларының берсе - сәнәгать өлкәсендә хезмәттәшлек буенча Россия-Кытай хөкүмәтара ярдәмче комиссия утырышы да уздырыла, аны Россия ягыннан Денис Мантуров үткәрер дип күзаллана.

Җыеп кына әйткәндә, күргәзмәдә дөньяның 30 иленнән (Германия, АКШ, Россия, Япония, Көньяк Корея, Италия һ.б.) 2500дән артык компания тәкъдим иткән мөмкинлекләр белән танышып булыр дип көтелә.


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10