ҺАВА ТОРЫШЫ 0 oC

Яңалыклар

барлык хәбәрләр Татарстан Россия
МӨҺим
Раил Садриев: Татар баласы өчен милли герой – татарча сөйләшкән ата-анасы
Азербайҗан татарлары Мәүлидне билгеләп үтәчәк
Казан һәм Санкт-Петербургта яңа туристик маршрут булдырыла
Әниләр көнендә Татарстанның Милли музеенда караоке һәм матурлык салоны эшләячәк
Васил Шәйхразиев җитәкчелегендә Татарстан делегациясе - Нижневартовск шәһәрендә

Мәдәният

Казанга Минзәлә театры килә

27 октябрь 2016, 13:22

Казанга Минзәлә театры килә Гастрольләр Кәрим Тинчурин исемендәге Татар дәүләт драма һәм комедия театры сәхнәсендә узачак.

(Казань, 27 октябрь, «Татар-информ»). 14-17 ноябрьдә Казанда Кәрим Тинчурин исемендәге Татар дәүләт драма һәм комедия театры сәхнәсендә С.Өметбаев исемендәге Минзәлә татар дәүләт драма театры гастрольләре узачак. Бу хакта Минзәлә театрының матбугат хезмәте хәбәр итә.

Казан сәхнәсендә иң беренче булып К.Мәргәннең “Шомбай” комедиясе куелачак. 15 ноябрь көнне тамашачылар Г.Тукайның “Тапкыр Кәҗә турында әкият”ен күрә алачак. Шул ук көнне Ф.М.Достоевскийның “Абзыйның төше” мистик драмасын да карап була. Аны сәхнәгә Кариев исемендәге Яшь тамашачылар театры баш режиссеры Ренат Әюпов куйган.

16 ноябрь көнне көндез Оскар Уальдның “Йолдыз егет”ен тамаша кылып була, ә кич белән А.Коровкинның “Түтиләр” сатирик комедиясе күрсәтелә.

Минзәлә театры гастрольләрен Кәрим Тинчуринның “Каракүз” музыкаль кыйссасы тәмамлый. Аны сәхнәгә Фәрит Бикчәнтәевның шәкерте – режиссер Рамил Фазлыев куйган.


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр