ҺАВА ТОРЫШЫ -13 oC

Яңалыклар

барлык хәбәрләр Татарстан Россия
МӨҺим
Татарстан Президенты балалар бакчаларында абунә түләүләре тәртибен үзгәртергә кушты
Тукай районының элеккеге башлыгы сак астына алынды
Казанда җиңел машина җәмәгать транспорты тукталышында җәяүлене бәрдергән
Дәүләт фольклор музыкасы ансамбле Ульяновск өлкәсен 75 еллыгы белән котлаячак
Яшел Үзәндә татар телен өйрәнергә теләүчеләр шактый җыелган

Җәмгыять

Теләче районыннан хәрби хезмәткә китәчәк 25 егет хөрмәтенә кичә оештырылган

19 октябрь 2016, 23:30 , Фото: tulachi.ru

Теләче районыннан хәрби хезмәткә китәчәк 25 егет хөрмәтенә кичә оештырылган Анда бүләкләр таратылып, повесткалар тапшырылды.

(Теләче, 19 октябрь, “Татар-информ”, “Теләче”, Фәнил Нигъмәтҗанов). 19 октябрь көнне район үзәк китапханәсендә быелгы көзге чакырылышта хәрби хезмәткә алынучы егетләрне хөрмәтләү кичәсе үткәрелде, дип хәбәр итә “Теләче” газетасы.

Быел районнан хәрби хезмәткә китәчәк 25 егеткә муниципаль район башкарма комитеты җитәкчесенең социаль мәсьәләләр буенча урынбасары Альфред Шәйдуллин, Саба һәм Теләче районнары хәрби комиссары урынбасары Айрат Садыйков, балигъ булмаганнар белән эшләү комиссиясе сәркатибе Рәхим Ихсанов, "Олимп" яшьләр үзәге җитәкчесе Зөлфәт Ибраһимов һәм егетләрнең әти-әниләре ихлас теләкләрен җиткерделәр.

Шатлыклы да, моңсу да булган кичәне район үзешчәннәре Илсур Шәйдуллин белән Илзирә Шәрифуллина башкаруындагы җырлар, алып баручылар Резидә Дәүлиева, Наилә Садыйкова, Раилә Фәсхиеваларның аһәңле шигырьләре, үтемле вәгазьләре бизәде.

Азактан егетләргә "Олимп" яшьләр үзәге тарафыннан бүләкләр таратылып, повесткалар тапшырылды. Ахырдан шушы кичә геройлары булган егетләр истәлеккә фотога төште.


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр