ҺАВА ТОРЫШЫ -5 oC

Яңалыклар

барлык хәбәрләр Татарстан Россия
МӨҺим
"Казан утларының" иске редакторы яңасына уңыш теләде
Данил Салихов алты хатын-кызга Татарстан Язучылар берлеге таныклыгы тапшырды
Татарстан чаңгчысы Анна Морковкина Төмәндә узган ярышта икенче булды
Авыл тормышын яктырткан әдәби әсәрләр конкурсына йомгак ясалды - исемлек
Дүрт татар язучысына дүрт әдәби премия тапшырылды - исемлек

Рәсми Татарстан

Ашхабадта Татарстан Республикасы көннәре башланды

10 октябрь 2016, 20:42

Ашхабадта Татарстан Республикасы көннәре башланды Татарстан сәнгать осталары концерты Музыкантлар сараенда аншлаг белән үткән.

(Казан, 10 октябрь, «Татар-информ»). Төрекмәнстан башкаласы Ашхабадта Татарстан Республикасы көннәре сәнгать осталарының грандиоз концерты белән башланып китте. Музыкантлар сарае залында бер генә буш урын да калмаган иде, дип хәбәр итә ТР Президенты матбугат хезмәте.

Рөстәм Миңнеханов үзенең тәбрикләү сүзендә Төрекмәнстан бәйсезлегенең 25 еллыгы белән котлап, Татарстан халкы исеменнән изге теләкләрен җиткергән.

«Россия һәм Төрекмәнстан арасындагы дуслыкны ныгытуда әлеге концертның да берләштерү куәте булуына ышанам мин. Бүгенге кичә бик матур тәэсирләр генә калдырачак», – дип билгеләп үткән ул. Шулай ук Россия һәм Төрекмәнстан җитәкчелегенә төбәкләр арасындагы хезмәттәшлекне үстерүгә уңай шартлар тудырганнары өчен рәхмәтен җиткергән.

Ашхабадка Татарстаннан әзерләп барган масштаблы концерт программасында танылган башкаручылар һәм коллективлар катнашкан. Алар арасында Гөлнара һәм Рузил Гатиннар, Айгөл Хәйри, Ригина Вәлиева, Руслан Сәйфетдинов, «Артур һәм Марат» дуэты, Раяз Фасыйхов, Марсель Вагыйзов, Айдар Сөләйманов, «Ворожея» ансамбле, «Болгар кызлары» һәм Татарстан дәүләт җыр һәм бию ансамбле булган.

Ә бүген көндез, ТР Президенты килгәнче, җирле Милли китапханәдә Төрекмәнстан һәм Татарстанның иҗади интеллигенциясе очрашуы булып узган. Биредә урнаштырылган өч экспозиция барысында да яхшы тәэсир калдырган.

Концерт алдыннан Рөстәм Миңнеханов та Милли мәдәни үзәк архитектурасы һәм Төрекмәнстан һәм Татарстан һөнәрчеләре күргәзмәсе белән танышырга өлгергән.
 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр