ҺАВА ТОРЫШЫ +14 oC

Яңалыклар

барлык хәбәрләр Татарстан Россия
МӨҺим
“Буа театры: диалог киңлегендә” фестивален Сергей Безруков спектакле тәмамлады
Әтнә кызы WorldSkills Russia чемпионатында җиңү яулаган
Дөнья чемпионаты вакытында Казанга автобуслар керү чикләнә
Галимә мәгариф системасының башында торды - Флера Сафиуллинаның дәвамчылары
24 майның төп вакыйгалары - фото һәм сылтамалар

Мәдәният

Түбән Каманың «Гаилә» паркында көзге фестиваль булды

1 октябрь 2016, 19:03

«Яшелчә ыгы-зыгысы» яңа ачылган шушы паркның «Рекордлар китабы»нда беренче язма булачак.

(Казан, 1 октябрь, “Татар-информ”). Түбән Кама районындагы авылларда яшәүчеләр шәһәр кешеләренә үзләренең быелгы яшелчә уңышын күрсәттеләр һәм алар белән нәрсәләр эшләп булуы турында сөйләделәр, диелә төбәкнең “Туган як” газетасында.

Шәңгәлче, Балчыклы, Зур Афанас, Ташлык, Тоба, Прости авыллары вәкилләре шәһәребезнең «Гаилә» паркына үзләре үстергән яшелчәдән ясаган композицияләр төзегән иделәр. «Без әлеге фестивальдә авыл кешеләре, шәһәргә килеп, быелгы уңыш өчен ничек тырышулары, аны җыеп алганнан соң ничек файдаланулары турында сөйләүләренә исәп тоттык. Чыннан да, алар яшелчә үстерү һәм аны консервлау серләре белән уртаклашты. Яшелчә композицияләрен балалар да бик кызыксынып карады. Аларның күпчелеге өйләрендә үзләре дә шуларны ясап карамыйча түзмәсләр», – диде «Гаилә» паркы администраторы Оксана Хафизова.

Әлеге «Яшелчә ыгы-зыгысы» яңа ачылган «Гаилә» паркының «Рекордлар китабы»нда беренче язма булачак. Шушы көннән башлап, шәһәр паркында уздырылган теләсә нинди әһәмиятле вакыйга яки чара, шулай ук анда катнашучыларның исемнәре «Гаилә» виртуаль елъязмасына – Интернетта махсус ачылган биткә теркәп барылачак.

 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10