ҺАВА ТОРЫШЫ -1 oC

Яңалыклар

барлык хәбәрләр Татарстан Россия
МӨҺим
Совет чорында дини әдәбият мөстәкыйль бер әдәби тармакка әйләнә - Әлфрид Бустанов
19 ноябрьнең төп вакыйгалары - фото һәм сылтамалар
Павел Шмаков: Татар телен укыту - бу халыкка хөрмәт
Астрономнар галәмдә Җиргә охшаган планета тапкан
Кәрим Тинчурин театры Бонн шәһәрендә «Назлы кияү» музыкаль комедиясен күрсәтте

Авыл, Инфографика, аналитика

Арчада бәрәңге эшкәртү заводы төзү планлаштырыла

21 сентябрь 2016, 06:47

Арчада бәрәңге эшкәртү заводы төзү планлаштырыла Татарстан премьер-министры кыска вакыт эчендә бизнес-план проектын төзергә кушты.

(Казан, 21 сентябрь, «Татар-информ»). Кичә Татарстан Авыл хуҗалыгы һәм азык-төлек министрлыгында премьер-министр Илдар Халиков рәислегендә үткән киңәшмәдә Татарстанда бәрәңге эшкәртү заводын төзү мөмкинлеген карадылар. Бу хакта министрлыкның матбугат хезмәте хәбәр итә.

Беренче этапта елына 15 мең т бәрәңге фрие һәм 4 мең т бәрәңге кисәкләре (лачаулары) җитештерү карала. Моннан тыш, калдыклардан 8 мең т азык һәм 500 т крахмал җитештереләчәк. Аның өчен 30 мең т кондицион һәм 15 мең т кондицион булмаган бәрәңге кирәк булачак. Киләчәктә заводка елына эшкәртү өчен 60 мең т бәрәңге тапшырылырга тиеш булачак, дип билгеләп үтелә ведомствода.

Республикада бәрәңге эшкәртү заводы Арча районында төзелергә мөмкин, ул 2018елның сентябрендә эшли башлар дип планлаштырыла.

Илдар Халиков кыска вакыт эчендә бизнес-план проектын төзергә кушты. Яңа завод төзүне планлаштыру буенча киләсе киңәшмә 10 октябрьгә билгеләнгән.

Киңәшмәдә вице - премьер – ТР Авыл хуҗалыгы һәм азык-төлек министры Марат Әхмәтов, министр урынбасарлары Илдус Габдрахманов, Тәлгат Таһирҗанов, Марат Җаббаров, Арча муниципаль районы башлыгы Илшат Нуриев, «ТатНИИСХ» ФГБНУ директоры Марсель Таһиров, авыл хуҗалыгы предприятияләре җитәкчеләре катнашты.
 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр