ҺАВА ТОРЫШЫ -7 oC

Яңалыклар

барлык хәбәрләр Татарстан Россия
МӨҺим
Кыргызстан татарлары Мәүлидне бәйрәм иткән
Хәзерге вакытта уңышлы кеше булу өчен өч тел белергә кирәк – Микаел Тоноян
Эстониядә халыкара бәйгедә катнашкан татарстанлыларның биюен Таллин татарлары да караган
"Болгар радиосы" милли музыкаль премиясе җиңүчеләре игълан ителде - исемлек
"Яратылмый калган ярлар" спектакле белән Казанда "Һөнәр" фестивале башланып китте

Спорт

"Ак Барс" "Локомотив" тарафыннан җиңелде

12 сентябрь 2016, 19:47

Исәп "Локомотив" файдасына 0:2

 (Казан, 12 сентябрь, «Татар-информ», Сергей Гаврилов). Бүген Казан хоккей лигасы матчында Казанның "Ак Барс" командасы үз бозында Ярославльнең "Локомотив"ын кабул итте. Кискен ярышта хуҗалар 0:2 исәбе белән җиңелделәр.

Казанлылар бозга голкипер Эмиль Гарипов белән чыкты. Команда составында 20 яшьлек яклаучы Никита Черепанов юк иде, чөнки ул әле узган атнада гына Ярославльнең "Локомотив" командасы вәкиле булып исәпләнә иде. Килешү буенча, уенчы үзенең элекке командасына каршы уйный алмый. 

Беренче периодта ярославльлеләргә ике тапкыр бәхет елмайды - шайба "Локомотив" капкасының штангасына тиде. Ә менә "Ак Барс" капкасына шайбаны алар уен башында ук керттеләр дияргә була - Андрей Локтионов шайбаны Гариповның терсәге өстеннән генә очырды. 0:1.

Икенче периодта казанлылар берничә тапкыр гол кертә язды, әмма "Локомотив" сакчылары бер хата да җибәрмәде. Гомумән, ике команда да саклануны атакага караганда уңышлырак оештырганнар иде. Өченче периодка кунаклар тагын бер тапкыр контратакага күчеп, гол керттеләр. 0:2. Гарипов "Локомотив" легионеры, фин Петри Контиолага каршы тора алмады. Трибуналарда утыручылар бу мизгелдә канәгатьсезлек белдерделәр.

15 сентябрь көнне "Ак Барс" Омскиның "Авангард" командасы белән уйнаячак. 10 матчтан соң казанлылар активында 13 очко калды.

"Ак Барс» – «Локомотив» – 0:2 (0:1, 0:0, 0:1). Шайбаларны керттеләр: Локтионов (17), Контиола (51). Штраф: 4-4.


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр