ҺАВА ТОРЫШЫ -10 oC

Яңалыклар

барлык хәбәрләр Татарстан Россия
МӨҺим
«Татар-информ» агентлыгында балалар бакчасы өчен түләүләр арту хакында сөйләячәкләр
2018 елның 1 нче июленнән коммуналь хезмәтләр өчен түләү артачак
Симферополь янындагы Дубки авылында мәчет төзи башладылар
Юлда иминлек саклау полициясенең кыскартуга эләгәсе экипажларын саклап калу җаен таптылар
Әлмәттә авыл хуҗалыгы продукциясен сату өчен мәйданчыклар оештырылачак

Рәсми Татарстан, Дин

Татарстан Президенты Корбан гаете уңаеннан бәйрәм намазында катнашты

12 сентябрь 2016, 07:06 , Фото: vk.com/rnm

Татарстан Президенты Корбан гаете уңаеннан бәйрәм намазында катнашты Бәйрәм намазын Татарстанның баш казые Җәлил хәзрәт Фазлыев уздырды.

(Казан, 12 сентябрь, “Татар-информ”). Республиканың барлык мәчетләрендә Корбан гаете уңаеннан бәйрәм намазлары узды. Кол Шәриф мәчетендәге намазда Татарстан Президенты Рөстәм Миңнеханов та катнашты дип хәбәр итә республиканың рәсми порталы.

Быел бәйрәм намазын Татарстанның баш казые Җәлил хәзрәт Фазлыев уздырды. Исегезгә төшерәбез – Татарстан мөселманнарының Диния нәзарәте рәисе, мөфти Камил хәзрәт Сәмигуллин җитәкчелегендәге меңгә якын татарстанлы Мәккәдә хаҗ сәфәрендә.

Мөселманнарга мөрәҗәгать итеп, Җәлил хәзрәт Фазлыев Корбан бәйрәменең тарихын сөйләде. Коръән буенча, бәйрәм иманы өчен улын корбан итәргә әзер булган Ибраһим пәйгамбәр хөрмәтенә үткәрелә. Аллаһы Тәгалә корбанны сарык белән алыштыра.

Татарстанның баш казые бу көннәрдә бары тик изге гамәлләр кылырга, аерып әйткәндә авыру һәм өлкән кешеләрне кайгыртырга өндәде.

Вәгазьдән соң бәйрәм намазы укылды.

Татарстан Президенты социаль челтәрдәге аккаунтларында да мөселманнарны котлады. Ул аларда Кол Шәриф мәчетенең фотосын элеп куеп: "Корбан бәйрәм мөбарәк булсын!"  дип язган.  


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр