ҺАВА ТОРЫШЫ +19 oC

Яңалыклар

барлык хәбәрләр Татарстан Россия
МӨҺим
Айзилә Батырханова: Татар журналистикасында бюджет урыннары кимүе – "Таяну ноктасы"на тема
КФУның татар журналистикасы магистратурасында биш урынның өчесенә дәгъва кылучылар билгеле
Җырчы Илсөя Бәдретдинова “Мулла” фильмында катнашырга җыена
Марат Башаров Татарстан төшергән татар киносында уйнаячак
27 июльнең төп вакыйгалары – фото һәм сылтамалар

Фән һәм мәгариф

КДУда Ирандагы Халыкара университетның халыкара хезмәте директоры Бахрам Навазени булды

5 июнь 2009, 10:59

Бүген КДУ белән Халыкара университет арасында фәнни һәм белем бирү өлкәсендә хезмәттәшлек итү турындагы килешүгә кул куелганга нәкъ бер ел була
(Казан, 5 июнь, “Татар-информ”). Ирандагы Имам Хомәйн исемендәге Халыкара университетның халыкара хезмәте директоры Бахрам Навазени Казан дәүләт университетында булды. Билгеле булганча, бүген КДУ белән Халыкара университет арасында фәнни һәм белем бирү өлкәсендә хезмәттәшлек итү турындагы килешүгә кул куелганга нәкъ бер ел була.
КДУның матбугат үзәге хәбәр иткәнчә, кунакларны ректор М.Сәлахов кабул иткән. Очрашуда шулай ук Халыкара элемтәләр идарәсе башлыгы Андрей Крылов һәм Көнчыгышны өйрәнү директоры Җәмил Зәйнуллин катнашкан. “Без үзебезнең белем бирүебез, шулай ук Көнчыгышны өйрәнү традицияләре белән горурланабыз. Казан дәүләт университетында Көнчыгышны өйрәнү тарих белән генә түгел, геополитик яктан да бәйле”, - дип билгеләп үтте М.Сәлахов.
Бахрам Навазени үз чиратында Имам Хомәйн исемендәге Халыкара университет эшчәнлеге турында сөйләгән. Бу вуз әле 20 ел гына эшләвенә карамастан, фарсы телен өйрәтүдә җитәрлек тәҗрибә туплаган. Бахрам Навазени сүзләренчә, уку йорты студентлар алмашу нисбәтеннән хезмәттәшлек итәргә ниятли. Ул шулай ук КДУ җитәкчелегенә Каспий буе дәүләтләре ассоциациясе эше турында сөйләгән һәм аның эшенә кушылырга чакырган.
Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр